Prazos e forma de presentación de solicitude:  

Ábrese un prazo de preinscrición do 01 de abril ao 08 de abril (incluídos os dous).  
As solicitudes faranse a través do Rexistro Xeral do Concello de Ribeira:  

• De maneira presencial nas instalacións de  servizos sociais – Praza oito de marzo 2c
baixo (edificio residencial Padin ), atención ao público de 9.00 h a 14.00 h, presentando 
a ficha de inscrición cuberta, folla de autorización e a copia do DNI de quen vaia participar 
e do pai/nai/titor.  

• De forma telemática (necesario certificado dixital) a partir das 9:00 h do primeiro día de 
prazo a través da web www.ribeira.gal no seguinte apartado –sede electrónica –  trámites 
destacados – solicitude da actividade. Deberase tramitar a solicitude de carácter xeral e 
axuntar a ese procedemento a ficha de inscrición cuberta, folla de autorización asinada, 
copia do DNI do participante e do pai/nai/titor así como o resto da documentación 
obrigatoria.   

Documentación OBRIGATORIA necesaria para  realizar a solicitude e xuntar á solicitude:

· Ficha de inscrición debidamente cuberta (Anexo I).  
· Autorización de participación debidamente cuberta (Anexo II). 
· DNI ou folla do libro de familia correspondente ao participante. 
· DNI do pai/nai/titor responsable. 
· Certificado de empresa (si corresponde, de cada proxenitor) ou declaración responsable 
no caso de autónomos, para ter en conta o criterio da prioridade na admisión (se non se presenta coa solicitude non se terá en conta e non poderá ser emendado cara ao criterio 
de prioridade na admisión). 

· Deberá presentar ademais copia da documentación acreditativa: título de familia numerosa, certificación de familia acolledora, certificación de discapacidade, certificación de monoparentalidade, acreditación de desemprego de longa duración, etc.  

Listaxes de admisión e agarda:  

As listaxes de admisión, agarda e vacantes publicaranse o 10 de abril. As listaxes publicaranse 
na páxina web do Concello de Ribeira, www.ribeira.gal e taboleiro de web. Tendo en conta a protección de datos de carácter persoal, na lista publicarase o nº de rexistro de entrada da  solicitude.  
Se quedasen solicitudes en agarda iranse cubrindo as baixas por orde de inscrición segundo a 
listaxe de espera. Nestes casos o departamento de servizos sociais contactará previamente co 
solicitante para comunicarlle dita circunstancia.  
Se quedasen prazas vacantes dispoñibles, poderanse facer novas inscricións dos xeitos 
anteriormente citados nos prazos a determinar pola Concellería de servizos sociais, sendo 
cubertas as vacantes por rigorosa orde de solicitude.