Cardi@ngel, estrea da primeira rede de voluntariado en reanimación cardiopulmonar que posiciona ao Concello de Ribeira como pioneira na materia.
Ribeira, 3 de abril de 2025
No día de hoxe o tenente de alcalde, Vicente Mariño, o concelleiro de Novas Tecnoloxías, Francisco Suárez-Puerta, o concelleiro de Sanidade, Juan Luis Furones, o director técnico de Cardio@angel, Jesús Velasco, o director de desenrolo tecnolóxico, Elías Pérez máis o director de Márketing, Antonio Gago; presentaron unha nova App chamada Cardio@ngel.
Ao acto tamén asistiron, membros da Policía Local, Policía Nacional, GAEM, e diferentes representantes de asociacións de Ribeira.
Desafortunadamente, os ataques de corazón son unha realidade para moitas persoas (350 persoas morren cada día en España por motivos cardiovasculares) e por iso é importante estar preparados para responder rapidamente.
Ribeira foi o concello elixido a nivel nacional para presentar esta nova App de voluntariado dixital; e seguirá traballando na cidade coa intención de facer obradoiros de reanimación cardiopulmonar (RCP) para todos os segmentos da poboación e coa intención de facer novos “@ngel”. Tras unha sinxela, e útil formación, os veciños e veciñas se poden facer “@ngel", e a partir dese momento, formar parte da primeira rede de voluntariado á que se lle chama CARDI@NGEL.
O director de desenrolo tecnolóxico de Cardi@ngel, Elías Pérez. sinalou que “algún día poderás recibir no teu móbil a demanda de axuda por parte de alguén descoñecido, alguén que está moi preto de ti e, que coas túas mans, poderás salvarlle a vida”, e engadiu “aparte do rol “@ngel” temos o rol cardi@; calquera interesado/a se pode converter nun usuario “cardi@” grazas ao teu móbil…, desta forma, en caso de requirir axuda, un só clic lanzará unha alerta inmediata que recibirán todos aqueles “@ngels” que estean preto de ti”.
Todos istos voluntarios están capacitados para axudar cunha reanimación cardiopulmonar (RCP), mentres o propio móbil xa contactou cos Servizos de Urxencia.
A idea é facer a experiencia piloto no concello e conseguir que Ribeira sexa unha cidade cardioprotexida para despois proxectarse polo resto de do estado.
Vicente Mariño amosou a súa confianza “en que Cardi@ngel sexa un éxito”, mostrando o seu orgullo “por ser un concello pioneiro nun proxecto que pode salvar vidas nos casos de infarto”.
Juan Luis Furones agradeceu a iniciativa sinalando que “neste tipo de circunstancias a tempo é vital e contar cunha rede de voluntariado en reanimación suporá ser máis áxil na resposta”.
A startup Cardi@ngel foi premiada recentemente pola súa innovación social en saúde nos premios nacionais DKV Impacta. Esta nova App: CARDI@NGEL xa se pode descargar tanto para IOS como para Android.
