Os Servizos Socias municipais son o nivel máis próximo aos veciños e veciñas e a canle de acceso ao Sistema Galego de Servizos Sociais, creados para atender, de maneira máis áxil, as necesidades de cada cidadán, grupo deles, ou de toda unha comunidade. Constitúen o sistema de Protección Social que se orienta á prestación de atencións e servizos que posibilitan a mellora da calidade de vida e participación das persoas e grupos, especialmente aqueles que sofren algún tipo de carencia, discriminación ou desatención. O seu obxectivo é mellorar o benestar de todas as persoas e facilitar a súa participación no contorno social en condicións de igualdade.