Á convocatoria compareceron,  a concelleira de Igualdade e Diversidade, Cruz Rivadulla, a asesora legal do CIM (Centro de Información á Muller de Ribeira), Dolores Crujeiras e Nereida Rivero da Asociación A Creba.

A concelleira de Igualdade resaltou que “dende o CIM organizáronse varias actividades que coidamos que  abarcan un amplo marxe de idades”. O propio día 25 novembro se celebrará un acto institucional como tódolos anos onde se lerá un manifesto da Fegamp en colaboración cos colexios no que a continuación, os rapaces e rapazas colgarán nunha oliveira natural na praza de España, os nomes das mulleres, nenos e nenas asasinadas dende o 25 de novembro de 2023 ata agora, que son un total de 54; dita Oliveira posteriormente se plantará nun espazo público da cidade onde seguirá honrando a memoria das vítimas. “Este día é para concienciar á poboación e para lembrar a estas vítimas da violencia de xénero, non só é o 25 de novembro para loitar contra ela senón durante tódolos días do ano” rematou Cruz Rivadulla.

A continuación Dolores Crujeiras pasou a debullar o denso e variado número de actividades, colaboracións e adhesións a campañas do 25 N.

Crujeiras comunicou que se está incidindo na liña da formación, da sensibilización,"de dirixirnos á xente máis nova que consideramos que temos que traballar máis para crear persoas de futuro, máis concienciadas ca igualdade e respectuosas cos dereitos fundamentais”. 

dentro da programación haberá un conta contos on line, “Imos ao recreo” dirixido á etapa de primaria a partires de tres anos onde se fará unha reflexión dos espazos que tradicionalmente foron diferenciados no recreo  para nenas e para nenos. Tamén se levará a cabo outro conta contos pero de forma presencial dirixido a primeiro da ESO “Expectativas vs Realidade”,  trasladarase a sensibilización ao ámbito das redes sociais “que é onde se están canalizando  as novas formas de violencia de xénero; preténdese concienciar a adolescentes sobre o que é real e o que non é porque nas redes se plasma unha realidade ficticia interpretada ou asimilada como real ou certa”

Ribeira como cada ano vaise a adherir ás diferentes campañas institucionais, e para comezar ca do propio concello, que vai a ser sinxela e moi ilustrativa: “Ribeira prohibe as violencias machistas” onde se pide a colaboración de todos os establecementos de Ribeira, tanto comercio como hostalería onde se lle facilitará uns vinilos cunhas sinais de prohibición onde se amosa o compromiso de Ribeira cas violencias machistas; repartiranse esta fin de semana para poñer nos escaparates. Tamén  o concello se adhire á campaña da Xunta “Camiño ao respecto” (andaina), á campaña da Deputación, “De fronte á violencia de xénero” e a campaña da Fegamp, “Que a vergoña cambie de bando”. E seguindo, haberá unha colaboración coa Asociación Mulleres en Acción para a colocación dunha placa en memoria de Andrea Yturry Alave e de todas as mulleres, nenas e nenos, vítimas das violencias machistas.

O día 14  de decembro teremos un curso de defensa feminista de balde que xa se leva facendo hai uns anos, coincide un sábado e será de 9:30 a 13:00 h e de 16:00 a 20:00 h no Complexo Deportivo da Fieiteira para mulleres maiores de idade.

Para rematar Nereida Rivero da Asociación A Creba presentou a mesa redonda que levará por título “Diagnóstico psiquiátrico e violencia de xénero” á que se poderá asistir o día 27 de novembro ás 19:00 h no Centro Cultural Lustres Rivas.