O Día da Ilustración celébrase cada ano cadrando coa data do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano homenaxéase un ilustrador galego. Esta edición de 2025 vai dedicada a Xosé Vizoso, que é o primeiro autor homenaxeado en vida. Vizoso énos ben coñecido, xa veremos como sabemos del moitas cousas, e coñecemos moitas obras, pero ademais con Polo Correo do Vento aprenderemos a facerlle un retrato... Ben, unha caricatura xeitosa! E tamén cantaremos cancións para que sexa a gran festa do debuxo.