O Centro de Información á Muller, é un servizo público e gratuíto que pretende dar resposta para atender ás demandas e necesidades das mulleres do Concello de Ribeira e contorna, de forma individualizada e confidencial proporciona con carácter permanente.

• Asesoramento e atención xurídica e psicolóxica.
• Atención xurídica, psicolóxica e asistencial específica para mulleres vítimas de violencia de xénero.
• Información en materia de recursos.
• Orientación profesional.
• Realización de actividades formativas e informativas, cursos, charlas con temas de interese para as mulleres.

O servizo está cofinanciadopolo Fondo Social Europeo e a Secretaría Xeral da Igualdade da Consellería de Emprego e Igualdade da Xunta de Galicia.

O equipo está integrado por unha directora – avogada e unha psicóloga.

Como funciona?

Atención telefónica e directa baseada nos principios do anonimato, da confidencialidade e do respecto á vontade das mulleres.

Programación de actividades e campañas de sensibilización para fomentar a igualdade de oportunidades entre mulleres e homes e concienciar na necesidade de erradicar toda forma de violencia de xénero.

Servizos

ASESORAMENTO XURÍDICO

• Dereito de familia (separacións, divorcios, impago de alimentos, dereitos de visitas,…….)
• Incapacitacións
• Herdanzas
• Desafiuzamentos
• Dereito laboral.
• Dereito da Seguridade Social
• Dereito administrativo e xeral.
• Dereito de estranxeiría.
• Dereito penal.
• Tramitación e acceso á xustiza gratuíta.
• Outras cuestións xurídicas que afecten a mulleres

ATENCIÓN PSICOLÓXICA

• Asistencia, atención e apoio ás mulleres ou familiares destas en relación a todo tipo de problemas de índole psicolóxica.
• Apoio e asesoramento en casos de malos tratos, intermediación familiar e de parella.
• Asesoramento e orientación profesional, información, recursos asistenciais, tempo libre, etc.

VIOLENCIA DE XÉNERO

• Asesoramento xurídico integral.
• Asistencia á hora de por unha denuncia.
• Apoio para tramitación da denuncia e solicitude de Orde de Protección.
• Información e xestión do acceso á xustiza gratuíta.
• Asistencia psicolóxica para a muller maltratada, os seus fillos/as, ou dependentes ao cargo.
• Xestión, se fose necesario, do aloxamento (casa de acollida, centros de día) cando a muller corra perigo.
• Información e xestión dos recursos dos servizos sociais para estas mulleres.
• Servizo de teleasistencia móbil para mulleres vítimas de violencia de xénero.

ORGANIZACIÓN DE ACTIVIDADES DE PROMOCIÓN DA IGUALDADE E DE PREVENCIÓN DA VIOLENCIA CONTRA AS MULLERES

Conmemoración do 8 de marzo

O Concello de Ribeira organiza varias actividades con motivo do Día Internacional das Mulleres que se conmemora cada 8 de marzo. En torno a esta data, tradicionalmente, homenaxéase a colectivos de mulleres traballadoras do municipio.

Conmemoración 28 de xuño

Dende o ano 2019, o Concello de Ribeira organiza  actividades de sensibilización con motivo da conmemoración do Día do Orgullo LGTBIQ+.

Conmemoración do 25 de novembro

O Concello de Ribeira elabora cada ano un programa específico de actividades para conmemorar o Día Internacional para a Eliminación da Violencia contra a Muller.

Obradoiros de autoestima para mulleres

Dende a área psicolóxica do CIM organízanse anualmente obradoiros de autoestima, habilidades sociais e empoderamento para reparación ou prevención da violencia de xénero que afectan ou poidan afectar ás mulleres.

Actividades de sensibilización e prevención

Ao longo do ano realízanse distintas actividades dirixidas á comunidade educativa, ás mulleres en situación de vulnerabilidade e á sociedade en xeral, promovidas polo  propio CIM ou en colaboración con outras entidades.