Os arredor de 800 habitantes da parroquia de San Xulián de Artes celebran as súas festas principais na segunda metade do mes de Xuño. Adoitan homenaxear nos tres días de festividade á Virxe do Carme, ó Corazón de Xesús e a San Antón; non falta a popular sardiñada nin as típicas actividades que teñen lugar en xornadas de festa coma as alboradas, os fogos e as verbenas. Ademais, o verdadeiro patrón de Artes, San Xulián, recibe cumprida homenaxe durante tres días que rondan o 7 de xaneiro, día grande. Estas celebracións son máis humildes e sinxelas, coas actividades máis espaciadas entre as que destacan xogos para nenos e homilías na honra do patrón.