Este programa facilita a participación da poboación en tarefas colectivas, onde son os propios cidadáns os que asumen a súa problemática e buscan as canles da solución, así como desenvolver unha conciencia solidaria e de participación social.

Dito programa divídese en tres proxectos:

a. Proxecto de Voluntariado Social Local.
b. Colaboración co Fondo Galego de Cooperación: Neste programa apoiase a cooperación e ponse en marcha a maquinaria da solidariedade, apoiando proxectos destinados a mellorar as condicións de vida dos máis desfavorecidos.
c. Proxecto de Vacacións en Paz: Este proxecto proporciona unha estancia agradable e gratificante aos nenos/as saharauí, vindo estes os dous meses de verán a Riveira. Os nenos/as serán acollidos polas familias riveirenses interesadas

I. Proxecto de Voluntariado Social Local. 

• Acompañamento de enfermos ao Hospital do Barbanza e en xestións na residencia do maior de Riveira.
• Acompañamento e xestión a nenos/as e persoas maiores.
• Actividades de lectura con diversos colectivos na Biblioteca Municipal.
• Apoio extraescolar.
• Alfabetización magrebí e da terceira idade.
• Supervisión da medicación en casos particulares.

A través da recollida da solicitude de inscrición no Departamento dos Servicios Sociais de Riveira ou ben mediante a descarga de dita solicitude a posterior entrega da mesma no Departamento de Servizos Socias.